ཁྲི་རལ་པ་ཅན།
༩༠༽ དེར་ལེགས་སྡུག་བཙན་གྱིས། "གྲྭ་པར་ངན་སྨྲས་ན་ཁ་མཆུ་གཅོད་འཇུག་མཁན་ཡང་ཁྱོད་ཡིན། ད་ཁྱིད་ཀྱི་མཆུ་ཏོ་དེ་གཅོད་དོ། །" ཟེར་ནས་ཆོས་བློན་གྱི་ཁ་ཤ་གྲི་གུག་གིས་བཅད།
༩༡༽ སྦས་སྟག་སྣས། “ད་དུང་མིག་ལོག་བལྟས་ན་མིག་འབྲུ་དགོས་ཟེར་བའི་ཁྲིམས་ཀྱང་ཁྱོད་ཚོས་བཅོས་པ་རེད། དེ་རིང་ཁྱོད་ཀྱི་མིག་འབྲུ་དགོས།” ཞེས་ཆུ་གྲི་ཞིག་གིས་སྤྱན་གཅིག་བྲུས།
༩༢༽ འོན་ཀྱང༌། ཆོས་བློན་གྱིས་ལས་ཀྱི་རྣམ་སྨིན་བསམ་ཞིང་བཟོད་པ་བསྒོམས་པས་གདོང་གཤིས་ཙམ་ཡང་མ་འགྱུར་བར་བཞུགས། དེར་སྙེ་ཐང་དུ་མེ་དཔུང་ཆེན་པོ་སྦར་ནས་གསོན་པོར་བསྲེགས།
༩༣༽ དེ་ནས། སྦས་སྟག་སྣ་དང༌། ཅོག་རོ་ལྷ་ལོད་གཉིས་བཙན་པོའི་དྲུང་ལ་བཅར་ནས། ཐུགས་གསོའི་ཁ་ཡག་དང་གདུང་སེམས་མཉམ་བསྐྱེད་ཀྱི་རྣམ་པ་ཅི་ཡང་བསྟན་ནས། བཙན་པོ་དང་ལྷན་དུ་སྐྱོ་ཆང་བཞེས།
༩༤༽ མཚན་མོ་ལོན་པ་ན། བཙན་པོ་འབྲས་ཆང་གིས་བཟི་ནས་མལ་ཁྲིར་གཟིམས་པའི་སྐབས་སུ། བློན་པོ་གཉིས་ཀྱིས་རྒྱལ་པོའི་ཞལ་ལྟག་ལ་བསྐོར་ནས་མགྲིན་གཅུས་ཏེ་བཀྲོངས།
For the audio files