མི་མཐུན་གཡུལ་རྒྱལ།
༄༅། །མི་མཐུན་གཡུལ་རྒྱལ་ཞེས་པ་ནི། དགྲ་བཤེད་དུ་གྱུར་པའི་སྲོག་ཆགས་རིགས་གཉིས་རེ་གཟུགས་འདྲེས་མར་བྱས་པ་སྟེ། དེའི་མཚོན་དོན་ནི་མི་མཐུན་པ་ཐམས་ཅད་མཐུན་པར་བྱེད་ཅིང༌། ཡང་ན་མི་མཐུན་པའི་ཕྱོགས་ལས་རྣམ་པར་རྒྱལ་བའམ། མི་མཐུན་གཡུལ་ལས་རྣམ་པར་རྒྱལ་བའི་དོན་ཡིན། དེའི་རི་མོར། སེང་གེ་དང་བྱ་ཁྱུང་འདུས་པ་ལས་བྱུང་བའི་གངས་ཀྱི་སེང་གེ་ཁྱུང་གི་མགོ་དང་གཤོག་པ། ཁྱུང་རྭ་ནོར་བུ་འབར་བས་བརྒྱན་པ་ཅན། ཆུ་སྲིན་དང་དུང་འདུས་པ་ལས་བྱུང་བའི་ཆུ་སྲིན་དུང་གི་མཇུག་མ་ཅན་ནམ། ཆུ་སྲིན་དུང་ན་གནས་པའི་ཚུལ་ལ་མཇུག་མ་པ་ཏྲ་འཁྱིལ་བས་མཛེས་པ། ཉ་དང་སྲམ་འདུས་པ་ལས་སྲམ་གསེར་ཉའི་མགོ་ཅན་ལ་ཁ་སྤུ་དཀར་པོས་མཛེས་པ་བཅས་གསུམ་འབྲི་ཚུལ་ཁྱབ་ཆེ་ཞིང༌། ལ་ལས་དེའི་ཐོག་སྟག་དང་འབྲུག་འདུས་པ་ལས་རྒྱ་སྟག་ཁྲ་བོ་གཟིག་འདྲ་བ་ལ་འབྲུག་མགོ་ཅན་བྲིས་ཏེ་ ཕྱོགས་བཞིར་འགོད་སྲོལ་ཡོད་པའང་སྣང་ངོ༌།། །།
Install Quicktime
-
For the audio files