སྟག་རི་གཉན་གཟིགས།
༦༠༽ ཟུ་ཙེས་བཙན་པོར་གྱེན་ལོག་བྱ་རྩིས་ཡོད་པའི་གནས་ཚུལ་བློན་པོ་མོང་སྔོན་པོས་ཤེས་ཚོར་བྱུང་ནའང༌། འཚབ་འཚུབ་ངང་ཕར་རྒོལ་མ་བྱས་པར། བྱ་མ་དཀྲོགས་པར་སྒོ་ང་ལེན་དགོས་བསམས་ནས་གོ་སྐབས་འཚོལ་བཞིན་བསྡད།
༦༡༽ དེར་ཟུ་ཙེས་ཀྱང་རང་ཁོངས་ཀྱི་དམག་མི་ཞིག་གིས་མོང་སྔོན་པོར་འབྲེལ་བ་བྱེད་པ་ཤེས་ཚོར་བྱུང་བས། དོགས་འདྲོགས་ཆེན་པོ་ལངས་ཏེ། དམག་མི་བཏང་སྟེ། གསང་བའི་སྒོ་ནས་མོང་སྔོན་པོ་ལྐོག་གསོད་བྱས།
༦༢༽ བཙན་པོས་མོང་སྔོན་པོ་གསོད་མཁན་སུ་ཡིན་རྩད་གཅོད་གནང་ཡང་རྩད་མ་ཆོད། བར་དེར་ཟུ་ཙེ་རང་ཉིད་དངོས་སུ་བཙན་པོའི་མདུན་དུ་བཅར་ནས་མོང་སྔོན་པོ་བསད་པར་གདུང་སེམས་སྐྱེས་ཚུལ་དང་བཙན་པོའི་སྐུ་ཕྱྭ་ལ་གཟབ་དགོས་ལུགས་ཞུས།
༦༣༽ ཟུ་ཙེ་ཡིས་ད་དུང་བཙན་པོའི་མངའ་འོག་གི་ཡུལ་ལུང་ཁག་ནང་ཟིང་ཆ་སློང་བའི་ཆེད། ཁོ་པར་གློ་བ་ཉེ་བའི་མི་ཁག་ཅིག་དྭགས་པོར་མངགས་ཏེ། ཡུལ་དེའི་མི་མང་ཁྲོད་དུ་བཙན་པོར་ངོ་རྒོལ་བྱ་བའི་གཏམ་འཆལ་སྣ་ཚོགས་ཁྱབ་སྤེལ་བྱས།
༦༤༽ དཀྲུགས་ཤིང་དེས་རྐྱེན་བྱས་ཏེ། དྭགས་པོའི་འགོ་དཔོན་གྱིས་བཙན་པོར་ངོ་ལོག་ནས་བཙན་པོའི་མངའ་ཁོངས་ནས་བུད་དེ་དམག་འཁྲུག་གི་འགོ་ཚུགས་པ་དང༌། དེ་དང་ཆབས་ཅིག་ཡུལ་ཁག་གཞན་དག་ལའང་ཟིང་ཆ་སློང་བའི་རྟགས་མཚན་ཐོན་འགོ་ཚུགས།
For the audio files