སྲོང་བཙན་སྒམ་པོ།
༢༥༽ སྙ་ཏོ་རེས་དེ་བཞིན་བཙན་པོར་ཞུས་པ་ན། བཙན་པོས། དྲིན་ཅན་མི་ཡི་ཡིད་མི་གཅོག ལྷ་ཡི་རྟ་ལ་སྒལ་མི་དབྱུང༌། ཟེར་བ་ལྟར་བདག་ངེས་པར་དབུ་མནའ་གནང་བར་འགྲོ་ཆོག་ཅེས་ཞལ་བཞེས་གནང་བའི་བཀའ་ལན་བསྐུར།
༢༦༽ དེར་དབྱི་ཚབ་ཀྱིས་ཁྱིམ་དུ་ཆང་སྟོན་རྒྱས་པ་ཞིག་བཤམས་ཏེ་བཙན་པོར་མགྲོན་བསུ་བྱས་ཤིང༌། རང་ཉིད་ཕ་བུ་ཚང་མ་རྒྱལ་པོར་བློ་དཀར་གཞུངས་དྲང་ཡིན་ཚུལ་དང༌། བུ་རབས་ཚ་རྒྱུད་ཚོར་ཡང་རྒྱལ་པོས་ཐུགས་བརྩེས་གཟིགས་རྒྱུར་རེ་བ་ཞུས།
༢༧༽ དེར་བཙན་པོས། རྡོ་བ་དཀར་ཆེན་ཞིག་བསྣམས་ཏེ། ཁྱེད་ཉིད་བློ་དཀར་བྱས་རྗེས་ཆེ་བས་གྲོངས་རྗེས་བདག་གིས་མནའ་རྡོ་འདི་ཉིད་དུར་ཁུང་གི་རྨང་རྡོར་བརྩིག་རྒྱུ་དང༌། སུ་ཞིག་བློ་མ་ལོག་བར་བུ་ཚ་སུ་འོས་རེ་ལ་གསེར་ཡིག་ཀྱང་གནང་ཆོག ཅེས་དབུ་མནའ་བཞེས།
༢༨༽ དེར་དབྱི་ཚབ་ཕ་བུ་བདུན་པོས་ཀྱང༌། རྒྱལ་པོར་གུས་ཕྱག་བཅས། མནའ་རྡོ་རེ་བཟུང་སྟེ། དུས་ནམ་ཡང་སྤུ་རྒྱལ་ལ་བློ་མི་ལོག་པར་ལྷག་བསམ་རྣམ་དག་གིས། རྒྱལ་པོའི་བཀའ་བཞིན་ཞབས་ཞུ་ཅི་ནུས་སྒྲུབ་རྒྱུའི་མནའ་བསྐྱལ་དམ་བཅའ་བཞག
༢༩༽ སྐབས་དེ་ཙམ་ཞིག་ལ། ཟུ་ཙེ་ཉི་མར་ལྡེ་ནས་བསྡད་ཡོད་སྐབས། གློ་བུར་ཁོག་ལ་འདྲེ་ཞུགས་པ་བཞིན་འདི་སྙམ་དུ། ད་ནི་ལོ་ཡང་རྒས་པས་འཆི་ཡང་སྲིད། དེས་ན་དབའ་དབྱི་ཚབ་ལྟར་བཙན་པོ་ཁྱིམ་ལ་བསུས་ཏེ་བསླུ་བར་བྱའོ་བསམས་པའི་རྨི་ལམ་བཏང༌།
For the audio files