སྲོང་བཙན་སྒམ་པོ།
༦༠༽ རྨང་ཆུང་གིས་བཙན་པོས་ཇི་གསུངས་ཚང་མ་ཞུས་པས། སྲིང་མོས་དེ་དག་གསན་རྗེས། ཁྱེད་བཙན་པོའི་བཀས་མངགས་ཕོ་ཉ་ཡིན་པས་ཕྱག་ལན་ལོངས་ཤིག་ཅེས་ཕྱག་ལན་ཕུལ་ཏེ། མགུར་འདི་ལྟར་བླངས་པ།
༦༡༽ ཕོ་བྲང་ནི་ཁྱུང་ལུང་འདི། །ཕྱི་བལྟས་ནི་རྔམ་ཞིང་བརྗིད། །ནང་བལྟས་ནི་གསེར་དང་ནོར། །བདག་གི་ནི་མིག་ལམ་དུ། །ཕ་བོང་ནི་སྐྱ་ཐལ་ཞིག །ཅེས་སོགས་ཕྱི་ལོངས་སྤྱོད་ཆེ་ཡང་ནང་སེམས་པ་སྐྱོ་ཚུལ་གྱི་གསུང་མགུར་སྙན་མོ་གསུངས་པས། རྨང་ཆུང་ཡང་སྐྱོ།
༦༢༽ ཡང་རྨང་ཆུང་ལ། བྱང་གི་འབྲོང་དེ་ཕུ་ནས་ཀི་བཏབ་ཅིང་མདའ་ནས་གཡབ་མོ་བྱས་པའི་བར་དུ་གཅུར་ན་མགོ་རུ་ཐུར་བཅས་པ་རྒྱན་དུ་ལོན། ཞེས་བཙན་པོར་འབུལ་རྒྱུའི་ཞུ་རྟེན་རས་ཐུམ་དམ་རྒྱས་མནན་པ་ཞིག་བཅས་བསྐུར།
༦༣༽ དེ་ནས་རྨང་ཆུང་མྱུར་དུ་བཙན་པོའི་སར་བཅར་ནས། ངག་འཕྲིན་དང་འབུལ་བ་བཅས་ཕུལ། བཙན་པོས་རས་ཐུམ་གྱི་ཁ་ཕྱེ་པ་ན་གཡུ་རྙིང་སྤུས་ལེགས་སུམ་ཅུ་ཙམ་ཞིག་ཡོད་པ་གཟིགས། དེར་བཙན་པོས་མགུར་ཚིག་དང་བཅས་པར་ཞིབ་ཏུ་དཔྱད་པས་གསང་དོན་རྟོགས།
༦༤༽ བཙན་པོས། གཡུ་ནི་བུད་མེད་ཀྱི་མགོ་རྒྱན་དང༌། ཕོ་རྒོད་ཀྱི་རྣ་རྒྱན་ཡིན་པས། གཡུ་རྣ་ཅན་གྱི་བློན་ཆེན་དང་དཔའ་རྒོད་སུམ་ཅུ་ཙམ་ཕོ་བྲང་ནང་དུ་ལྐོག་འཛུལ་དང༌། ཕོ་བྲང་ཕྱིའི་སྟོད་སྨད་གཉིས་ནས་དུས་གཅིག་ལ་དམག་གིས་ཕར་རྒོལ་བྱོས། ཞེས་པའི་དོན་རེད་སྨྲས།
For the audio files