སྲོང་བཙན་སྒམ་པོ།
༤༥༽ ངག་རེ་ཁྱུང་བཙན་པོའི་སྐུ་དྲུང་དུ་བཅར་ཏེ་ཕྱག་འཚལ་ནས་གསོལ་བ། བདག་གི་ཕས་བཙན་པོ་མཆོག་གི་སྐུ་སྲོག་ལ་རྒོལ་བའི་གཡོ་ཇུས་བཤམས་པ་བདག་གིས་མ་ཚོར་བས། བློན་ཆེན་མགར་མིན་ན་ཆག་སྒོ་ཆེན་པོ་འབྱུང་སྲིད། ཅེས་དང༌།
༤༦༽ བདག་གིས་གཡོ་ཐབས་ཀྱིས་ཕའི་མགོ་བོ་བཅད་དེ་ཁྱེར་ཡོད་ན། བཙན་པོས་ཐུགས་རྗེ་ཆེན་པོས་གཟིགས་ནས་བདག་ཅག་གཉེན་འཁོར་རྣམས་ལ་བཀའ་ཆད་ཆེན་པོ་མི་གནང་བ་ཞིག་ཅིས་ཀྱང་སྩོལ་དུ་གསོལ། སྩོལ་དུ་གསོལ། ཞེས་ཞུས།
༤༧༽ དེར་བཙན་པོའི་ཞལ་ནས། སྤྱིར་ན་ཟུ་ཙེས་སྔ་ཕྱི་བར་གསུམ་དུ་གཡོ་ཇུས་རིམ་པར་བཤམས་ནས་བདག་གི་ཡབ་དང་བློན་ཆེན་ཞང་སྣང་ཡང་བརླགས་འདུག་པས། ཉེས་པ་ནམ་མཁར་མི་ཤོང་ནའང༌། ཁྱོད་བདག་ལ་བློ་དཀར་པས་གུ་ཡངས་གཏོང་ཆོག ཅེས་གསུངས།
༤༨༽ དེར་བཙན་པོས། འབྲི་བསེ་རུ་གུང་སྟོན་གཙང་གི་བློན་ཆེན་མོར་བསྐོས་ཤིང༌། ངག་རེ་ཁྱུང་ཡང་ཁོང་གི་བློན་ཆུང་ཞིག་ཏུ་བསྐོས་ཏེ། ནང་བཀྲ་མི་ཤིས་པའི་དུག་སྡོང་ཞིག་གི་རྩ་བ་གཞི་ནས་བསྔོགས་ཐུབ་པ་བྱུང༌།
༤༩༽ དེ་ལྟར་བཙན་པོ་ཁྲི་སྲོང་བཙན་གྱིས་བཟང་ངན་གྱི་ཤན་འབྱེད་ཅིང༌། བཙན་པོའི་གཉའ་ནས་མནན། ཉམ་ཆུང་བྱམས་ཀྱིས་བསྐྱངས། དཔའ་མཛངས་ཅན་ལ་བསྟོད་བཀུར་མཛད་དེ་རྒྱལ་སྲིད་ལུགས་བཞིན་བསྐྱངས་པས། བཙན་པོའི་མཚན་ལའང་སྲོང་བཙན་སྒམ་པོ་ཞེས་གྲགས་སོ། །
For the audio files