འབྱེད་སྡུད།
• འབྱེད་སྡུད་ཀྱི་ཚིག་ཕྲད།
• འབྱེད་སྡུད་ཚིག་ཕྲད་ཀྱི་སྒྲ་སྦྱོར།
• འབྱེད་སྡུད་ཀྱི་དོན་འཇུག
འབྱེད་སྡུད་ལ་ཚིག་ཕྲད་བཅུ་གཅིག་སྟེ།
གམ་ངམ་དམ་ནམ་བམ་མམ་འམ་རམ་ལམ་སམ་ཏམ་བཅས་སོ།།
འབྱེད་སྡུད་ཚིག་ཕྲད་ཀྱི་སྒྲ་སྦྱོར་ལེགས་བཤད་ལྗོན་དབང་ལྟར་བྱས་ན།
སྦྱོར་ཚུལ་སླར་བསྡུའི་སྐབས་དང་མཚུངས། །ཞེས་གསུངས་པ་ལྟར། ད་དྲག་ཅན་གྱི་མཐར་ཏམ་དང་། མཐའ་མེད་ཀྱི་མཐར་འམ་དང་། གཞན་རྣམས་ནི་མིང་མཐའ་སྟེ་རྗེས་འཇུག་དང་རྗེས་སུ་མཐུན་པ་སྦྱར་དགོས།
| རྗེས་འཇུག | ཚིག་ཕྲད། |
| ག་ | གམ་ |
| ང་ | ངམ་ |
| ད་ | དམ་ |
| ན་ | ནམ་ |
| བ་ | བམ་ |
| མ་ | མམ་ |
| འ་ | འམ་ |
| ར་ | རམ་ |
| ལ་ | ལམ་ |
| ས་ | སམ་ |
| ད་ཡང་འཇུག | ཏམ་ |
འབྱེད་སྡུད་ཀྱི་ཚིག་ཕྲད་ནི།
སྡུད་པ་དང་འབྱེད་པ་བཅས་དོན་གཉིས་ལ་འཇུག
འབྱེད་པ་ནི།དབྱེ་གཞི་སྔོན་ལ་བཀོད་ནས་དབྱེ་བ་སོ་སོའི་མཐར་འབྱེད་སྡུད་ཀྱི་ཚིག་ཕྲད་སྦྱར་ཏེ་ཕྱེ་པ་ལ་འབྱེད་པ་ཟེར། དཔེར་ན། རྗེས་དྲན་དྲུག་ནི་སངས་རྒྱས་སམ་ཆོས་སམ་དགེ་འདུན་ནམ་སྦྱིན་པའམ་ཚུལ་ཁྲིམས་སམ་ལྷ་བཅས་སོ།།
སྡུད་པ་ནི།བསྡུ་བྱའི་ཆོས་སྔོན་ལ་བཀོད་ནས་དེ་དག་སོ་སོའི་མཐར་འབྱེད་སྡུད་ཀྱི་ཚིག་ཕྲད་སྦྱར་ཏེ་ཕྱོགས་གཅིག་ཏུ་བསྡུས་པ་ལ་སྡུད་པ་ཟེར། དཔེར་ན། སྦྱིན་པའམ་ཚུལ་ཁྲིམས་སམ་བཟོད་པའམ་བརྩོན་འགྲུས་སམ་བསམ་གཏན་ནམ་ཤེས་རབ་བཅས་ནི་ཕར་ཕྱིན་དྲུག་གོ།
Install Quicktime
-
For the audio files