རྒྱན་སྡུད།
• རྒྱན་སྡུད་ཀྱི་གོ་དོན།
• རྒྱན་སྡུད་ཀྱི་ཚིག་ཕྲད།
• རྒྱན་སྡུད་ཚིག་ཕྲད་ཀྱི་སྒྲ་སྦྱོར།
• རྒྱན་སྡུད་ཚིག་ཕྲད་ཀྱི་དོན་འཇུག
རྒྱན་སྡུད་ཀྱི་གོ་དོན་ནི།
ཚིག་སྔ་ཕྱི་མཐུན་མི་མཐུན་དང་སྡུད་པའི་དོན་ལ་འཇུག་པའི་ཚིག་ཕྲད་ལ་རྒྱན་སྡུད་ཅེས་བརྗོད།
རྒྱན་སྡུད་ལ་ཚིག་ཕྲད་གསུམ་སྟེ།
ཀྱང་ཡང་འང་བཅས་སོ།།
རྒྱན་སྡུད་ཚིག་ཕྲད་ཀྱི་སྒྲ་སྦྱོར་ལེགས་བཤད་ལྗོན་དབང་ལྟར་བྱས་ན།
ག་ད་བ་ས་དྲག་མཐར་ཀྱང་། །ང་ན་མ་ར་ལ་མཐར་ཡང་། །འ་དང་མཐའ་མེད་འང་དང་ཡང་། །ཞེས་གསུངས་པ་བཞིན། རྗེས་འཇུག་ག་ད་བ་ས་བཞི་དང་ད་ཡང་འཇུག་བཅས་ཀྱི་རྗེས་སུ་ཚིག་ཕྲད་ཀྱང་དང་། རྗེས་འཇུག་ང་ན་མ་ར་ལ་རྣམས་ཀྱི་རྗེས་སུ་ཚིག་ཕྲད་ཡང་དང་། རྗེས་འཇུག་འ་དང་མཐའ་མེད་ཀྱི་རྗེས་སུ་འང་དང་ཡང་བཅས་སྦྱར་དགོས།
| རྗེས་འཇུག | ཚིག་ཕྲད། |
| ག་ད་བ་ས་དང་ད་དྲག་ | ཀྱང་ |
| ང་ན་མ་ར་ལ་ | ཡང་ |
| འ་དང་མཐའ་མེད་ | འང་དང་ཡང་ |
རྒྱན་སྡུད་ཀྱི་ཚིག་ཕྲད་རྣམས་ནི་ཚིག་སྔ་ཕྱི་མཐུན་པའི་རྒྱན་དང་། ཚིག་སྔ་ཕྱི་མི་མཐུན་པའི་རྒྱན་དང་། སྡུད་པ་བཅས་དོན་གསུམ་ལ་འཇུག
ཚིག་སྔ་ཕྱི་མཐུན་པའི་རྒྱན་ནི།
དཔེར་ན། སྐྲ་ནག་ཀྱང་ནག གདོང་དཀར་ཡང་དཀར། སེམས་སྐྱོའང་སྐྱོ། མཛེས་ཀྱང་མཛེས་ལ་དཔལ་ཡང་འབར། ལྟ་བུ།
ཚིག་སྔ་ཕྱི་མི་མཐུན་པའི་རྒྱན་ནི།
སྐྲ་ནག་ཀྱང་གཉེར་མ་མང་། སེམས་དཀར་ཡང་གདོང་ནག བརྗོད་སླའང་ལག་ལེན་དཀའ། བཏུད་ཀྱང་ཁྲོ་ལ་མཛའ་འང་སླུ།
སྡུད་པ་ལ་འཇུག་པ་ནི།
རྐང་པས་ཀྱང་བཞུས། སངས་རྒྱས་ཀྱང་གང་ཟག་ཡིན། ཤིང་ཡང་འཁྱེར། མ་དག་པའི་ཞིང་དུ་ཡང་གཤེགས། དབྱིན་ཇིའང་སྦྱང་། མཁའ་ལའང་འབྱོན། ལྟ་བུ།
Install Quicktime
-
For the audio files